上個星期日雖然成日落住雨，但依然減退唔到我哋服務社區嘅熱情！
- Po Shun Tong
- 6月30日
- 讀畢需時 1 分鐘
上個星期日雖然成日落住雨，但依然減退唔到我哋服務社區嘅熱情！醫護團隊同義工們馬不停蹄，一日之內走訪兩區，為SEN家長及老友記送上健康與關懷。
第一站我哋一早就去到荃灣，參加由放心藝術舉辦為一班偉大嘅SEN家長提供中醫講座。主辦單位更邀請到香港中文大學張建國教授親自蒞臨，同大家深入淺出咁講述小兒推拿嘅歷史源流，仲分享咗好多珍貴嘅過往研究報告，令在場家長獲益良多！除咗理論，中醫師仲即場示範咗火針治療同小兒推拿手法，等家長們可以更直觀咁了解中醫點樣幫助小朋友改善體質。
之後我哋隨即馬不停蹄地趕去天水圍，為聖葉理諾堂嘅一班精靈老友記服務，由中醫師主講健康講座，分享啱長者嘅日常痛症處理小貼士。講座後更設有義診服務，由中醫師即場為老友記把脈、問診，解答健康疑難，將溫暖同健康直接送到老友記手中。
守護社區健康，我哋下一次社區活動再見！
留言