🎉【祖堯邨中醫義診圓滿結束｜感謝榮川愛心基金】🎉
- Po Shun Tong
- 8月1日
- 讀畢需時 1 分鐘
已更新：8月4日
今日係我哋喺祖堯邨舉辦嘅最後一場免費中醫義診，為期3個月嘅服務完滿結束 感謝 榮川愛心基金 鼎力支持，令區內長者能夠安心睇症、調理身體。
老友記知道今日係最後一次義診都特別珍惜，有啲更加在之前食完第一次中藥後就急不及待想再見醫師！今日有好幾個照顧者都陪同長者前來睇症，大家嘅信任與鼓勵都令我哋更有動力 老友記仲稱讚我哋中醫師有愛心、有醫德、有經驗 —— 多謝你哋嘅支持！
希望透過今次活動提升長者對中醫治療嘅信心，日後即使無義診服務，都會主動關注自己健康。
我哋團隊已經在義診完畢後即刻準備好晒啲藥，第一時間速遞到佢哋手上，希望盡快讓佢哋得到治療 雖然係免費服務，但我哋一直用心對待每一位長者。
我哋期待將來喺更多屋邨為弱勢社群服務，為大家送上暖意和關懷。
留言