今日係每個月第一個星期五恆常長者上門探訪活動
- Po Shun Tong
- 4天前
- 讀畢需時 1 分鐘
今日係每個月第一個星期五恆常長者上門探訪活動，就快新年，我們一班義工朋友帶上好多禮物送俾長者們，希望佢哋可以度過一個愉快而健康的新年！
陳伯最近一直有痛症問題，同時也患有前列腺腫瘤，需要服食大量西藥，佢話自己已經80歲人，所以唔會再接受任何化療，手術等治療，雖然佢篤信中醫治療，但係高昂嘅費用都令到佢卻步。當我們送上中醫義診劵的時候，楊伯好擔心咁問我哋機構是否真係只要付款80元就可以提供到中醫問診，三日中藥，免費針灸同免費按摩服務，佢同我哋講自己曾經去過某些中醫慈善機構，佢哋嘅義診只係唔收診金，藥費都要收取五百幾元，雖然有醫療劵，但係佢都系負擔唔起，亦非常擔心我哋是否只係騙佢上門之後會收取高昂藥費，經過我哋多番解釋之後，佢即刻要我幫佢預約下個星期一前往保信堂，仲話如果真係咁平的話，佢一個星期可以來兩次都冇問題。
農曆新年即將來臨，我們在此提前預祝老友記們身體健康！身心快樂！
@每個人
留言