今日保信堂中醫師來到黃大仙區
- Po Shun Tong
- 6月12日
- 讀畢需時 1 分鐘
今日保信堂中醫師來到黃大仙區，為 救世軍竹園長者中心 嘅一班照顧者，舉辦咗一場【中醫痛症健康講座】！
照顧者平時將所有心力擺喺屋企人身上，往往忽略咗自己嘅身體。今日同大家傾計，發現好多照顧者自己都有 腰痛、膝頭痛 等問題困擾 。所以當我哋嘅中醫師分享點樣處理痛症嗰陣，大家都聽得特別入神！
除咗講解理論，中醫師仲即場傳授咗幾招實用嘅 「穴位按摩舒緩法」 。看到一班照顧者好認真咁跟住中醫師搵穴位、互相幫助對方搵穴位，現場氣氛即刻熱鬧晒，大家都覺得好實用，返到屋企隨時都可以幫自己「叉叉電」！
照顧他人嘅同時，記住都要好好照顧自己。痛症唔好夾硬忍，搵出根源、適當舒緩，先可以走更遠嘅路。
多謝救世軍竹園長者中心嘅邀請，好高興可以將健康同關懷帶入社區。保信堂會繼續努力，用中醫知識守護大家嘅健康！
留言