榮川愛心基金 全力贊助 『城市清潔有你 健康守護有我』
- Po Shun Tong
- 6天前
- 讀畢需時 2 分鐘
炎炎夏日，行在街上都只係幾分鐘，相信大家已經覺得「焗到透唔到氣」。但當我們紛紛躲入冷氣房時，卻有一班無懼酷熱的清潔工人，仍然在烈日下揮汗如雨，用雙手默默守護著香港的每一條街道、每一個角落。
今次我哋中醫團隊來到了明愛觀塘社區客廳，為十幾位清潔工友提供中醫義診服務。
在義診過程中，聽到最多嘅係工友們的無奈與堅韌。因為長期體力勞動，好幾位工友都對我們說他們其實周身骨痛，但為了生活，佢哋都只係自己買啲藥膏搽下、貼塊風濕膏，就咬緊牙關「頂住上」繼續工作。聽著佢哋嘅分享，我們除了心痛，更多的係敬佩與感激。
我們中醫師即場為佢哋進行了針對性的針灸與調理。經醫師施針後，有位工友在治療床上靜靜睡了十幾二十分鐘。醒來後，他露出了久違的笑容，好開心咁對住我哋中醫話：「好耐無試過咁輕鬆訓得咁冧……」短暫的二十分鐘，對我們來說可能微不足道，但對每日馬不停蹄的工友而言，卻是極其珍貴的喘息空間。
最後我哋更加送上由 香港濟眾堂中藥廠 贊助嘅藥油和藥貼畀工友們帶返屋企，以便佢哋有需要時可以用得著。
愛心需要傳遞，關懷需要持續。請大家支持我哋 『城市清潔有你，健康守護有我』清潔工人中醫義診活動。歡迎更多中醫師、義工或企業加入我們，一起為基層打氣！讓我們一起用愛，為這個炎熱的夏天降降溫。
留言